الرئيسيةالبوابةبحـثس .و .جالتسجيلدخول
منتديات كنج مان المتميزة يرجى التسجيل ليكون لك الحرية فى التصفح الحر بدون قيود

شاطر | 
 

 من افضل المواضيع في المنتديات الاسلامية

اذهب الى الأسفل 
كاتب الموضوعرسالة
الارنب الابيض
عضو مشارك
عضو مشارك


ذكر العقرب عدد الرسائل : 33
العمر : 33
جنسيتك : مصر
أعلام الدول :
أحترام القونين :
تاريخ التسجيل : 08/08/2010

مُساهمةموضوع: من افضل المواضيع في المنتديات الاسلامية   الأربعاء ديسمبر 29, 2010 5:34 am

االسلام عليكم ورحمة الله وبركاتة

كل عام وانتم بخير


احب بس ادى ليكم فىكرة عن الموضوع علشان مش تغلطو زى


انا الموضوع دة شفتو من زمان فى المنتديات الاسلامية والغريب ان الموضوع مثبت


وانا بحب اقرا الحاجات المتثبتة
فتدخلت على الموضوع عادى لقتو طويل وانا كمان مش بحب اقرا الموضيع الطويل واغلب الناس كدة


قولت اخد فكرة مش قريت حاجة خااااااااااااااااالص فى الموضوع دا بصيت علية كدة بس


قولت دى قصة وبااين عليها رخمة وقولت فى دماغى كبر ياعم انا هوجع دماغى لية

وبالصدفة كونت فى منتدى من المنتديات لقيت الموضوع دة موجود وثبت برضو

استغربت اشمعنا الموضوع دة بالذات قولت اقرا فية شوية

بصراحة الموضوع شدنى جدا وان شاء الله يعجبك انا قولت اقول على الكلام دة لانو طويل شوية بس ان شاء الله يعجبك بدا باذان الله

الرجوع الى أعلى الصفحة اذهب الى الأسفل
الارنب الابيض
عضو مشارك
عضو مشارك


ذكر العقرب عدد الرسائل : 33
العمر : 33
جنسيتك : مصر
أعلام الدول :
أحترام القونين :
تاريخ التسجيل : 08/08/2010

مُساهمةموضوع: رد: من افضل المواضيع في المنتديات الاسلامية   الأربعاء ديسمبر 29, 2010 5:37 am

االسلام عليكم ورحمه الله وبركاته

ااحنا هنعيش قصه مع ابطالها محمد وعبد الرحمن سنة اولى طب بالمناسبة هما كانوا اصحاب منذ الصغر
ممكن تكون القصة طويلة او قصيرة بس ان شاء الله هنستفيد منها

االمهم ندخل في احداث قصتنا

الاحلقة الاولي

يصحي محمد اول يوم ليه في الكليه ايه ده الساعه 10 طبعا محمد صاحي مفزوع اول محاضرة
راحت عليه ....

ينادي محمد علي والدته

ماما ماما انت مصحتنيش ليه ينفع كده من اول يوم مفيش التزام
والدته تدخل انا قعدت اصحي فيك من الساعة7 وكالعادة صحيني بعد 5 دقايق لا لابعد ربع ساعة لحد ماوصلنا الساعة 8 وانت نايم في سابع نومه وانا زهقت منك
ازاي ده انا محستش بأي حاجه خالص انا زعلان اوي

وهنا يدخل والد محمد زعلان اوي ياحبيبي لك حق تزعل والايبقي ماعندكش دم

محمد:مش كده برده يابابا قول لماما اصلها مش مقدرة.

الوالد: مش مقدره لا مالهاش حق اتصدق بالله انت ماعندكش دم.

محمد: ليه كده بس انا مالي ماما هي اللي ماصحتنيش بذمه.

الوالد: ياسلام ياخوي انا مابكلمش علي كده انت زعلان اوي لما فاتتك اول محاضرة.
طب ماانت ضيعت صلاة الفجر انهارده مازعلتش اوي كده ليه وللاانت خلاص بعد امتحانات الثانويه العامه مش هشوفك تاني في الجامع .

محمد: في سره انا فاتتني محاضرة الكليه بس الحمد لله ربنا عوضني خيرا منها محاضرة ابويا
ده بدل مايقولولي تفطر ايه ياحبيبي نروح نحضره ماعلينا.

الوالد: انت سكت ليه نمت؟؟

محمد:لالا ابدا خلاص سماح المرة دي انا هجهز بقي قبل مايفوتني باقي المحاضرات.

وهنا يرن موبايل محمد الظاهر صاحبه عبد الرحمن بيطمن عليه

محمد:ايوه ياعبده ازيك عامل ايه؟؟

عبد الرحمن: الحمد لله رب العالمين انت فين؟؟

محمد :انا علي السرير اصلي راحت عليه نومه.

عبد الرحمن: ولا يهمك تتعوض المهم انا مستنيك ماتتاخرش يلا.

محمد : ماشي مسافه السكه ويجهز محمد وينزل عشان يقابل عبد الرحمن.

محمد: كل دي زحمه انا هركب ازاي وبعد عناء طويل محمد يركب الميكروباص وينطلق الي الكليه .

ويفاجا محمد بواحده تيجي تقعد جنبه...

وبعد فتره تساله هو حضرتك في كليه ايه

محمد: نعم طبعا هو سامع بس مستغرب السؤال

تعيد البنت السؤال مرة تانيه

محمد: ليه حضرتك فيه حاجه؟؟

البنت :لا ابدا بس زي مانت عارف ان النهارده اول يوم في العام الدراسي وانا مااعرفش اي حاجه في الجامعه فبسال حضرتك ممكن نكون في نفس الكليه فتعرفني عليها وكده يعني....

محمد: يفكر فترة طويله ياتري اقولها ايه دلوقتي اروح معاها كليتها واخدمها واعمل فيهامعروف طب وعبد الرحمن اعمل فيه ايه .....

ولكن فجاه يفتكر محمد قصة سيدنا موسي عليه السلام مع المرأتين وكيف كان حياءوه وادبه معهم وكذلك حياء المرأتين

محمد : بصوت حازم هو حضرتك في كليه ايه

البنت : في تجاره

محمد : خير انا مش في تجاره ومعرفش حاجه عنها وكأنه يقول لها اسكتي واياكي تتكلمي تاني...

وبعد عناء ينزل محمد من الميكروباص واخيرا هيقابل عبد الرحمن

ياتري ايه اللي هيحصل بينهم؟

هذا ماسنعرفه في الحلقه القادمه ان شاء الله
الرجوع الى أعلى الصفحة اذهب الى الأسفل
king man
المدير العام
المدير العام
avatar

ذكر الميزان عدد الرسائل : 2225
العمر : 24
الموقع : www.kingman.hooxs.com
جنسيتك : مصر
نقاط التميز : 10000
أعلام الدول :
أحترام القونين :
تاريخ التسجيل : 14/09/2008

مُساهمةموضوع: رد: من افضل المواضيع في المنتديات الاسلامية   الأربعاء ديسمبر 29, 2010 12:41 pm

انا مستنيك على نااااااااااااار

thinking
الرجوع الى أعلى الصفحة اذهب الى الأسفل
http://kingman.hooxs.com
الارنب الابيض
عضو مشارك
عضو مشارك


ذكر العقرب عدد الرسائل : 33
العمر : 33
جنسيتك : مصر
أعلام الدول :
أحترام القونين :
تاريخ التسجيل : 08/08/2010

مُساهمةموضوع: رد: من افضل المواضيع في المنتديات الاسلامية   الجمعة ديسمبر 31, 2010 1:53 pm

الحلقة الثانية


محمد يدخل الكلية يدور علي عبد الرحمن وبعد لف كتير في الكلية ايه ده ده شبه عبد الرحمن خالص


لا لا بس اكيد مش هو ايه المقشة اللي في وشه دي(ابتسامة) وللا البنطلون شكل الترزي ضحك عليه وخد باقي القماش وقعد يفحصه من فوق لتحت لا دا اكيد مش عبد الرحمن ولو عبد الرحمن امتى وازاي وليه حصله كده ويقطع تفكير محمد صوت عبد الرحمن...


عبد الرحمن:ايه يامحمد هو انا كنت بايت معاك امبارح وللا ايه ده بدل ماتخدني بالحضن قاعد تبصلي من فوق لتحت.


محمد :لا ابدا ياعبده وياخده بالحضن وحشتني اوي انا معرفتكش يابني انت ايه اللي حصلك 3 شهور اجازة يحصلك كل ده ايه اللي حصلك؟!!!!


عبد الرحمن :بعدين احكيلك المهم انت ازاي تفوت اول محاضره من اولها كده طب حتي خليك ملتزم اول يوم.


محمد:صحيح عملتوا ايه من غيري.


عبد الرحمن:طبعا الدكتور كان زعلان جدا انك محضرتش وكان عايز يلغي المحاضرة لولا ان العدد كان كبير ..


محمد:انت بتتريق؟؟


عبدالرحمن:مانت اللي سؤالك غريب هنعمل ايه يعني من غيرك لا انت الكمبيوتر ولا البروجيكتور وللا حتي الميكروفون عشان المحاضرة تتعطل من غيرك..


محمد:ماشي ياعبده بكره تعرف اهميتي.


عبدالرحمن:المهم انت ازاي راحت عليك نومه والفرق بين جلسة الشروق والمحاضرة قليل يعني ماتلحقش تنام فيه؟؟!!


محمد:مش اما اكون الاول صليت الفجر ابقي اقعد جلسة الشروق


عبدالرحمن:يعني انت ضيعت صلاة الفجر انهارده ازاي؟!!!


محمد:يلا ابدا المحاضرة التانيه كلي اذان صاغيه امال يابني لو مكناش دفنينه سوا ..
عبد الرحمن: دفنا مين ؟؟


محمد:ايه يابني احنا مش كنا بنصلي ايام الامتحانات وبعد كده بئي انت عارف انا بحب النوم اد ايه ...
اوعي تقولي ان انت لسه بتصلي الفجر!!!!!


عبدالرحمن:انا بفضل الله بصلي كل الصلوات في المسجد.


محمد:بجد عليّه انا برده الكلام ده؟؟!!


عبدالرحمن:المهم دلوقتي يامحمد انا هرن عليك كل صلاة عشان اذكرك بيها وبالذات صلاة الفجر بس اياك تفتح عليه انا بقولك اهو والا هخليك تشحنلي...


محمد:براحه بس عليه احنا اول يوم في الدراسه..


عبدالرحمن:ماهو عشان كده لازم نفتح صفحه جديده مع ربنا احنا فرطنا كتير اوي يامحمد..


محمد:في سره... فرطنا في ايه انا مش فاهم اي حاجه؟!!!


عبدالرحمن:هنبتدي من انهارده ..
اول حاجه لازم تعرفها اهميه صلاة الفجر
انا لواديتك صندوق فيه طوب وصندوق فيه دهب وقلتلك وصلهم مكان معين ياتري اهتمامك بالاتنين هيكون نفس الاهتمام؟؟


محمد:لا طبعا دا حتي لو صندوق الطوب ضاع بسيطه هشتري صندوق والطوب اهو كتيرفي الشارع لكن صندوق الدهب لو ضاع هعوضه ازاي؟؟


عبدالرحمن :الحمد لله اتفقنا بص بقي صلاة الفجر اغلي من كنوز الدنيا يعني لوضاعت مش هتعرف تعوضها...


1-قال رسول الله صلي الله عليه وسلم
( من صلى الصبح في جماعة فكأنما صلى الليل كله ) رواه مسلم .



2- قال رسول الله صلى الله عليه وسلم
( من صلى الفجر فهو في ذمة الله (حفظه) فلا يطلبنكم الله بشئ من ذمته ) حديث صحيح
رواه الطبراني ومسلم بلفظ مشابه .



3-قال رسول الله صلي الله عليه وسلم
( بشر المشائين في الظلم إلى المساجد بالنورالتام يوم القيامه ) صحيح .



كده اتفقنا ان صلاة الفجر مهمة ماشي ..


محمد:ماشي ياسيدي كمل باقي المحاضره اما اشوف اخرتها معاك


عبد الرحمن:بص بئي انت قبل ماتنام لازم تكون متوضي وتقول اذكار النوم بكره ان شاء الله هجيبلك كتاب حصن المسلم
وتكون مخلص انك عايز تقوم بجد تصلي ولازم تكون عارف ان صلاه الفجر دي ترمومتر علي صدقك شوف بئي انت صادق ولا .....
خلاص اتفقنا يامحمد هرن عليك وهستناك تكنسل


محمد:خلاص خلصت المحاضرة يلا بئي قولي ايه اللي غيرك كده


عبدالرحمن :هوا نا ههرب منك ماحنا مع بعض اهو يابني ان شاء الله هحكيلك تعالي بس نروح الجامع لان الظهر قرب يأذن وبعد الصلاه ان شاء الله هحكيلك


وفي الجامع عبد الرحمن يقوم يصلي السنة


عبد الرحمن:انت مش هتصلي السنة


محمد:دا كويس اني بصلي الفرض يابني


عبدالرحمن :ماشي ياسيدي بس الرسول صلي الله عليه وسلم بيقول من صلي اثنا عشر ركعه في اليوم والليله بني الله له بيتا في الجنه


محمد :ماشي ماشي صلي انت بس وخليني اقعدلي شويه بئي عشان تحكيلي بين الاذان والاقامه


محمد :يراقب عبد الرحمن وهو بيصلي ايه دا الواد اتغير 180 درجه هو ايه اللي حصله ماكنش بيتكلم كده ابدا الواد اتجنن وللا ايه انا خايف عليه لاحول ولاقوه الا بالله ايه ده وكمان بئي بيصلي كويس ماشاء الله ايه الخشوع والسكينه دي هو مستني نتيجه امتحان تاني وللا ايه


ياتري ايه اللي حصله 3شهور يتقلب القلبه دي؟؟!!
الرجوع الى أعلى الصفحة اذهب الى الأسفل
الارنب الابيض
عضو مشارك
عضو مشارك


ذكر العقرب عدد الرسائل : 33
العمر : 33
جنسيتك : مصر
أعلام الدول :
أحترام القونين :
تاريخ التسجيل : 08/08/2010

مُساهمةموضوع: رد: من افضل المواضيع في المنتديات الاسلامية   الأحد يناير 02, 2011 10:30 am

الحلقة الثالثة

ينتهي محمد وعبد الرحمن من صلاة الضهر

محمد:يلا بقى احكيلي..

عبدالرحمن:ياعم اصبر حتي استني لما نختم الصلاة ونخرج من الجامع هحكيلك واحنا مروحين.

محمد:ماشي انا صبرت عليك كتير

عبدالرحمن:معلش استحملني

ويخرج محمد وعبدالرحمن من الجامع ويعيشوا ازمه المواصلات
يركب محمد وعبد الرحمن اخيرا

محمد :يهزر مع عبد الرحمن مابلاش بخل يااخي وهات عربيتك معاك وارحمنا من الزحمه دي

عبد الرحمن :ماشي ماشي

محمد:يلا كلي اذان صاغية

عبدالرحمن:بص ياسيدي انت عارف طبعا محمود ابن خالتي انا وهو ومجموعه من اصحابنا نوينا بعد الثانويه العامه وقرفها اننا نسافر بعيد ونصيف بئي ونعيش حياتنا
وبالفعل سافرنا وقضينا ايام حلوه فسح بئي وسهر واغاني وافلام وملاهي كانت ايام حلوه

محمد:ايه ده وانا ليه ماقولتليش
عبد الرحمن:ماتقطعنيش يامحمد
المهم واحنا راجعين كان السواق مشغل اغنيه انا واصحابي كنا بنحبها اوي وكنا قاعدين نصقف
لقينا واحد مانعرفوش بيدي للسواق شريط ويقوله لوسمحت من فضلك خد شغل ده احسن
طبعا كلنا اعترضنا واولنا السواق المهم الشخص ده قعد يتكلم واحنا ودن من طين والتانيه من عجين كلامه طبعا زي قلته انا تقريبا ماسمعتش كلمه منه

وفجأه

الاتوبيس كان هيعمل حادثه بس ربنا ستر
وكأن دي كانت رساله من ربنا لينا بس احنا اللي مابنفهمش

محمد:يااااااسلام وده بئي اللي غيرك هو انت بقيت حساس اوي كده (ابتسامة)

عبدالرحمن:شكلي مش هكملك الحكايه

محمد:صحيح انا نسيت أسالك ع البت سها اللي كانت معانا في درس الكيميا البت دي اللي انت كنت بتحبها صحيح هي دخلت معانا طب

عبدالرحمن:يارب صبرني اديك قعدت تقاطعني لحد مامحطتي جت انا هنزل واكملك بكره

محمد:بس استني طب تعالي اتغدى عندي وكملي القصه ماما عامله فراخ هديك فرخه بحالها بس تعالي

عبدالرحمن:جزاك الله خيرا المهم انا نسيت اقولك ابقى اظبط المنبه عشان صلاة الفجر وانا برده هرن عليك

محمد:طب يلا انزل قبل ما السواق يرميك من الشباك

ويودع عبد الرحمن صاحبه محمد

ومحمد:يفضل قاعد وينزل المحطه اللي بعده اما نشوف اخرتها مع الواد عبده دي ايه

ويدخل محمد البيت ماما انا جعان اوي يلا فين الفراخ

والد محمد:يابني اصبر شويه احكيلي عملت ايه انهارده في الكليه

محمد:دا انا عملت عمايل تخيل يابابا الواد عبد الرحمن بيصلي والله وقال ايه هيرن عليه كل صلاه عشان يذكرني بيها وانا قال ايه اكنسل عليه واقوم اصلي

والد محمد:وايه الغريب في كده عقبالك يابني ربنا يهديك

وبعد اما ينتهوا من الغدا

محمد:صحيح انا هدخل انام واسيب الموبايل واما الواد عبد الرحمن يرن العصر والمغرب والعشاء والفجر تكنسلوا عليه وتقوموا تصلوا

ها مين هياخد الموبايل وللا بابا ياخده عصر ومغرب وماما تاخده عشا وفجر

والد محمد:وسيادتك هتعمل ايه هتنام من دلوقتي لحد تاني يوم الكليه

محمد:الله اعلم انا تعبت اوي انهارده

ويدخل محمد ينام ويسيب الموبايل

ياتري عبد الرحمن هيعمل ايه بكره مع محمد ان شاء الله؟؟
الرجوع الى أعلى الصفحة اذهب الى الأسفل
الارنب الابيض
عضو مشارك
عضو مشارك


ذكر العقرب عدد الرسائل : 33
العمر : 33
جنسيتك : مصر
أعلام الدول :
أحترام القونين :
تاريخ التسجيل : 08/08/2010

مُساهمةموضوع: رد: من افضل المواضيع في المنتديات الاسلامية   الخميس يناير 06, 2011 8:58 am

الحلقه الرابعة

بالفعل عبد الرحمن يرن علي محمد في كل صلاه ومامته تكنسل

وتروح تصحي محمد وهو لا حياة لمن تنادي وبالقوه يصحي عشان يروح
الكليه

عبدالرحمن ومحمد يتقابلوا في المحاضرة ويقعدوا جنب
بعض

عبد الرلحمن:ماشاء الله عليك يامحمد كنسلت عليه حتي في صلاة
الفجر شكل الكلام بيجيب معاك نتيجه

محمد:اه امال ايه وفي سره ربنا يخليلي ماما
وبابا

وبعد
دقايق يدخل الدكتور وبعد مرور ربع ساعة من
المحاضرة

محمد:الحق ياعبده البت سها اهي هي جايه متاخر ليه (ابتسامة)
مش تقولها تبئي تقعد جلسه الشروق عشان تيجي بدري
صحيح هو
انت قلبتها ولا ايه دي قرفتني في الاجازه اسئله عليك لدرجه اننا افتكرناك مت هو
انت صحيح كنت في السعوديه بتعمل ايه

عبدالرحمن :هو انت مش هتبطل كلام

محمد:لا انا عايز اعرف بقى ايه اللي حصل
بينكم

عبدالرحمن:طب ايه رايك تستأذن من الدكتور ونطلع احكيلك بره
وللا علي ايه هو هيطردنا دلوقتي

محمد:خلاص خلاص

وبعد شويه يتكلم
محمد تاني:هو احنا مش هنعمل صحوبيات

عبدالرحمن :لا ان شاء الله نعمل ربنا
ييسرالامور

محمد:طب الحمد لله

عبدالرحمن:لا مش اللي في دماغك

وبعد
انتهاء اليوم الدراسي

عبدالرحمن :يلا عشان نصلي الضهر ونروح واحكيلك في
الطريق

وفي طريقهم للبيت

عبدالرحمن:انا مش عايز سها تشوفنا ولو شافتنا نهرب منها بأي
طريقه

محمد:هو انت يابني عامل عامله وبعدين ماتشوفناش ازاي مش
هنحضر وللا هنلبس طقيه لخفه وللا نبقى نقعد تحت البنش في المحاضره
احسن
انت مالك بقيت غريب كده ليه

عبدالرحمن :اسمعني بس ربنا ان شاء الله هيصرف نظرها
عننا

محمد:طيب اما اشوف اخرتها

عبدالرحمن :بص ياسيدي

باختصارالحكايه
....
محمد:لا انا عايز تفصيل ممل

عبدالرحمن:ماشي ياسيدي
انا وسها
تقريبا اهلنا اتنازلوا عن وظيفتهم الاساسيه

محمد:اه انا كده فهمت الحكايه وعشان كده انت شاحت الهدوم
اللي انت لابسها ومش معاك فلوس حتي تحلق لاحول ولاقوة الابالله وطبعا مش معاك فلوس
عشان تخرج سها وتفسحها طب كنت اتصل بيه اسلفك

عبدالرحمن :تسلفني ايه انت
مابتفهمش

محمد:ليه الغلط ده بس
خلاص كنت
هخلي بابا يشوف لوالدك شغلانه جديده

عبدالرحمن:بص انت تروح تتغدى عشان شكلك جعان عشان كده مش
فاهم وبكره هفهمك
واحكيلك
علي كل حاجه

محمد:مااااااااشي

عبدالرحمن: السلام عليكم ورحمه الله
وبركاته

محمد:وعليكم السلام ورحمه الله وبركاته

وبعد اما عبد الرحمن يودع محمد

محمد:هو الواد ده بيتكلم كلام كبيرانا مش اده وللا انا فعلا
اللي جعان ومش فاهم حاجه؟؟!!!!
الرجوع الى أعلى الصفحة اذهب الى الأسفل
king man
المدير العام
المدير العام
avatar

ذكر الميزان عدد الرسائل : 2225
العمر : 24
الموقع : www.kingman.hooxs.com
جنسيتك : مصر
نقاط التميز : 10000
أعلام الدول :
أحترام القونين :
تاريخ التسجيل : 14/09/2008

مُساهمةموضوع: رد: من افضل المواضيع في المنتديات الاسلامية   الإثنين يناير 10, 2011 2:35 pm

القصة بجد بتشدنى انا مستنى الحلقة الخامس
الرجوع الى أعلى الصفحة اذهب الى الأسفل
http://kingman.hooxs.com
 
من افضل المواضيع في المنتديات الاسلامية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الدين الأسلامى :: اسلاميات-
انتقل الى: