السلام عليكم
بحكم اني مدمن ماستر ليج من أول مابدأ باللعبه راح اقول بعض اللي تعلمته
وراح اتكلم عن PES2010 بأسلوب عادي بدون تكلف علشان يكون اكثر قبول للشباب
قبل ابدا بالنصايح
ابيك في بداية الموسم تشيل صفة طاقم النادي
اللي من طقة علي كميّخوخل الطاقم التدريبي خمس نجوم بالكامل
(صحيح انه بيكلفك سنويا 5 مليون دولار لكل شخص بالطاقم لكن صدقني ان قيمتهم فيهم) وانا اقصد المدرب + مدرب اللياقه + طبيب النادي + الكشاف + الاكاديميه + ملتقى الجماهير
اول شي : تشوف فريقكم كم فيه من كديش وكم فيه من مواهب صغيره
( بالفريق الاساسي)مثلا انا العب بريال مدريد
(موب حب فيه .. بس هو الوحيد اللي يناسب خطتي)بثاني موسم حطيت (فان نستر روي + راؤول + شنايدر + مارسيلو + م.ديارا + ديوك) على قائمة الانتقال وجتني عروض بالهبل .. ولسا باقي اشيل هالكديش
(تخيلو راؤول اشتروه برشلونه ب 45 مليون وتوهقو فيه)وبديت ادور مواهب صغيره بدل الكديش اللي راحو وبعدين تفاوضت مع
obina (مهاجم الانتر وعمره 20) و
kompany (محور وقلب دفاع) و
bale (ظهير ايسر فنان وعمره 21)
وقاعد الحين اتفاوض مع
بالوتيلي و
باتو و
اغويرو و
فابريغاس و
والكوت و حارس مرمى صغير
ولاحظو انهم كلهم صغار بالسن ويمديني اطور من مستواهم
وطبعا مايحتاج اعلمكم ان الفرق الاسبانيه ماتخلي لاعبينها الا بطلعة الروح
ودايم اشوف ان المفاوض يقولي ان نسبة نجاح الصفقه almost zero اذا كان اللاعب بالدوري الاسباني ... بعكس الفرق الانجليزيه والفرنسية وبعدها الايطالية
ثانيا : دااااااااايم شوف youth team (فريق الناشئين)
ومر على كل لاعب
اول شي شوف طاقاته ... اذا لقيت طاقتين او ثلاث بالاصفر او وحده بالاحمر معها ثنتين اصفر او اخضر
اعرف ان هاللاعب عنده شي ... يا سريع ياشوت يا التحام يامراوغه ......الخ
بعدين شوف بطاقات اللاعب وكم مهاره عنده
بعدين شوف قيمته السوقيه ... اذا كانت بين 100 و 200 الف دولار فهاللاعب
ممتازواذا قيمته من 300 الى 400 الف دولار فهاللاعب
نجمطبعا وقع معه عقد
قبل يكمل عمره 19 ولا بيروح عليك !
ثالثا : احرص على شراء لاعبين (
تحتاج مراكزهم موب علشان اسماؤهم) واعمارهم
اقل من 23 وكل ماقل عمره كان افضل
ليش؟ علشان يصير عندك فرصه تطور مستواهم وتعطيهم بطاقات مهارات جديده
واذا اشتريت لاعب كبير بالسن ماراح يتطور الا بحالات نادره
وراح يعل قلبك واحتمال اذا حطيته على قائمة الانتقال محد يبيه وتضطر تنسقه او بيعتزل عندك
(لاتخاف موب طالب حفل اعتزال) 
وللمعلومية : اللاعب يتوقف عن تطور مستواه بعد عمر 27 واحيانا من عمر 26 اذا كان مركزه ومعدل تقييمه بعد كل مباراة 6 واقل
(ماعدا كاكا ابن الذين)وانصحك انك تلعب مباراة عادية
(موب ماستر ليج) وتحكم على اي لاعب ببالك
(مثل باتو اللي ماخش مزاجي الا يوم لعبت بالميلان مباراة مع الانتر واقتنعت انه موهوب)رابعا : اول ماتشتري لاعب صغير او يكون عندك لاعب صغير (عمره اقل من 22) روح وطور مستواه
ببطاقات المهاره Club House > Training > Skill Card (بتكلفك مليون لكل مهاره)ومن نفس الخطوات خل الاخيره position واختر له مركز اضافي (بيكلفك مليونين) وما انصح فيها الا اذا انحديت على زيادة مركز للاعب موهوب ماله فرصه يلعبخامساً : شوف نفسية اي لاعب قبل كل مباراة (روح هنا Club House > Training واضغط على زر R2) وبتشوف ايقونة على اليمين توضح لك انه زعلان او بينفجر من الزعل .. اضغط على المثلث فوق اسم اللاعب وراح يبين لك ليش زعلان ... غالبا انك ماتلعبه واجد .. او ملعب خارج مركزه .. او حاطه على قائمة الانتقال او الاعارة .. هالشي راح يأثر على نفسية اللاعب ومستواه .. وغالبا ماراح يجدد لك لو تفحط اذا انتهى عقده وهو معصب .. وترا النجوم لو جت مباراتين ومالعبو بيطقونها زعله ويعلونك مباراتين ثلاثه ونفسياتهم ز فت .. انا احيانا العبهم اخر 5 دقايق ويروح الزعل سادساً : شوف اي قلب دفاع سريع واضف له خانة جديده هي خانة المحور .. لان المحاور الممتازين قليلين جدا وتقدر تخلي هالشي احتياط لو كانت نفسية المحور الاساسي سيئة او مصابوطبق هالشي بكل المراكز .. ولاتنسى ان تكلفة كل مركز اضافي مليونين دولارسابعا : بعد نهاية كل موسم ... روح شوف الدوريات الثانيه وتابع منهم قائمة الهدافين وصانعي الاهداف وافضل 11 لاعب .. اكيد بتلاقي صيدات حللللللوه هناك .. لاعب موهوب صغير .. لاعب هداف بسعر رخيص ...........الخ
ثامناً : دايم اقرأ news ... لانهم دايم يمدحون لاعبين الجوله ... انت شوف اللاعب وشو من لحية .. لان كونامي اذا حبت لاعب خلته نجم النجوم .. مثل رونالدو اللي كانو مخلينه افضل لاعب وهو مصاب ( بجهاز PS2)
الحين باكتب افضل اللاعبين المناسبين وقابلين للتطور بسرعهبن زيمه - رأس حربه - يمتاز بالتسديد وضربات الرأس والتمركز والالتحام والسرعه بعد تطور مستواه - ريال مدريدهيغوين - رأس حربه و وسط مهاجم - يمتاز بالسرعه والتسديد والالتحام ولديه كرت مهارة انه يبذل جهد اضافي اذا كان هو البديل للاعب الاساسي - ريال مدريداوبينا - راس حربه - سريع - لديه كرت مهاره انه يبذل جهد اضافي اذا كان هو البديل للاعب الاساسي - الانتر
باتو - راس حربه - قريب من مستوى بن زيمه - ميلانبالوتيللي - راس حربه - موهبة كرويه رائعه - الانتروالكوت - وسط ايمن ومساند للهجوم - يمتاز بالسرعه والمهاره والاستجابه السريعه - ارسنالفابريغاس - فنان بالتمرير وملك الوسط - ارسنالكومباني - محور وقلب دفاع - بصراحه افضل صفقه جبتها لكن كسر ظهري بقيمة الصفقه - ناسي من اي فريق انجليزيلاسن ديارا - وسط ومحور - الوحيد اللي مر علي عنده مهارة تغطية فراغات الدفاع واعتبرها اهم ميزة وكل الفرق مزعجتني تبيه - ريال مدريدbale - ظهير ايسر ثقه ويتمركز صح لقطع الكور ورفعاته ممتازه وسرعته مقبوله - مدري من وين جبته بصراحه
غاراي - قلب دفاع - صلب ويقطع الالعاب الهوائية وصغير بالسن ولكن يحتاج اضافة مهارة التغطية والانزلاق - ريال مدريد 
الأربعاء سبتمبر 08, 2010 10:30 am
